Miss Lou

Mutabaruka

miss lou miss lou
wi love yuh fi true
wi love how yuh chat
som'nuhlovedat missiou
miss lou miss lou

yuh heavy fi true
mi seh wi love wey yuh seh wen
yuh seh wey yuh seh
miss lou
a years now wi si
wey yuh do fi poetry
here in a Jamaica
usin our patwa
mi knoo nanny a hero fi true
but me tink yuh a hero too
mi watch de children a dance an sing
an'yuh teach dem haw fi play
ring ding

miss lou
miss lou miss lou
wi love yuh fi true
wi love how yuh chat
some nub love dat miss lou
miss lou miss lou yuh heavy fi true
mi seh wi love wey yuh seh wen
yuh seh wey yuh seh
miss lou
miss lou yuh mek dem know
dat is from de base tings jamaica grow
dem use fi seh wi mus speak an' twang
but yuh mek wi proud seh wi a afrikan
now wi si dem a teach in schools
dat jamaica patwa is not fi fool
wen yuh chat it soun' suh sweet
an' all a Jamaica jus a skin dem teeth
miss lou
miss lou miss lou wi love yuh fi true
wi love,how yuh chat
a patwa dat
miss lou miss lou yuh heavy fi true
mi seh wi love wey yuh sch wen
yuh seh wey yuh seh
miss lou

mi know nanny a hero fi true
but me tink yuh a hero too
wi watch de children a dance an
sing

an yuh teach dem how fi play ring
ding

miss lou miss lou wi love yuh fi true
wi love how yuh chat some nub
love dat
miss lou
miss lou miss lou yuh heavy fi true