Ghetto Struggle

Bounty Killer

Chorus:
Mi represent di ghetto
and a deh mi come from
Deh mi born
A deh mi grow
hail up mi Ghetto Klan
Every ghetto yute ...
Ghetto woman...ghetto man
Yuh represent di gully mek mi see di ghetto hand
[x2]

Verse 1:
Nuff time mi hungry and mi cudda stick purse
Mi cudda rob a Nurse
put one inna di hearse
But mi wuk fi di better
But yet still mi get di worse
Government dem Nuh have nuh merc'
A me dem caah curse
Mi simmer......people hungry
But the Bigger heads relax
Mi caah even get a job sometime true mi lax
Soceity unorthodox...mi smoke weed 'til mi frass
but mi rally back pon di farm and cutlass
Education is the key to success
That is good!!!
But basic school inna a state of fowl comb
Fi rob a man mi could
Sometime mi feel mi should
mi try fi get a job and every weh a sey dem full

Chorus

Verse 2:
When some think about the ghetto
...is bare negativity
But a people, annuh animal come from inner city
Everything dem try fi Kill
Never try fi build wi
Yuh nuh hear BOut.... di animosity a Tivoli
tru dem cheat we out a school
dem mussi think we nuh have no brain
Di uptown life and di ghetto...nuh di same
dem live pon dem avenue ...wi live pon lane
Sometime fi gi a girl mi address mi all shame

Chorus

Verse 3:
Dem mek di yutes dem fret up
inna dem tears dem wet up
Dem nuh nwoh bout weh dem aguh eat tomarrow
when dem get up
Dem life jus set up
fi gamble and bet up
that is why mi naah stop sey poor people fed Up
Di yutes dem inna di ghetto tears a fall like rain
Mi waah fi see di sun fi dry di tear and stop di pain
Overfullfill all we promises and satisfies we claim
suh show we more love instead a gi we pure blame

Chorus